Zip File Kya Hai? Zip File Kaise Banaye? Zip File ko UnZip Kaise kare?
Agar aap Internet se cheeze download karte rehte hai to aapni kabhi na kabhi ‘zip’ file download ki hi hogi. Mai to kahuga agar aap internet se sambandhit koi bhi kaam karte hai to aapko jadatar zip files hi download karne ko milegi.
Zip file ki extension .zip hoti hai.
Zip File kya hai ?
Zip file waha use hoti hai jaha aapko kayi saari files ko ek file ki tarha download karna padhta hai.
Zip files Internet par un jaghao par use hoti hai jaha se hume multiple files ko ek file ki hi tarha download karna hota hai.
Iska ek aur fayada ye hai ki is file ka size iske ander ki sabhi files ke size ko milkar size se chota hota hai. Is size kam karne ke tarike ko hum compression bhi kehte hai.
Compress karne se hum internet se choti file bhej sakte hai.
File compress karne ke sath sath aap Zip file ko protected banane ke liye uspar password bhi laga sakte hai.
Zip File Banaye Kaise ?
Agar aapke pass kuch files hai aur aapne unhe Zip file me convert karna hai to ye steps follow kare.
Step 1: Jin jin files ko aapne zip me daalna hai un files ko select kare.
Step 2: Files ko selected rakhte hue right click kare aur Send to > Compressed (Zipped) folder par click karde.
Step 3: Apni nayi Zip file ko rename kare aur apki zipped file ready hai.
Ab aapne dekha ki kis tarha hum zipped file banate hai. Ab aapko alag alag tukdo me file bhejne ki jaroorat nahi hai aap is file ko aap logo ko Email dwara bhi bhej sakte ho.
Zip File ko UnZip Kaise kare ?
Zipped file ko kholne ko unZip karna kehte hai. File ko unzip karne ke baad hame ek folder mil jaata hai jiske ander hamari zip ki hui files alag alag apne normal roop me aa jaati hai.
Step 1: File ko unzip karne ke liye file par right click kare aur Extract All par click kare.
Step 2: Ab computer aapse file ko extract karne ki location poochega, location set kare aur Extract par click karde.
Step 3: Aap dekh sakte hai ki extract ki hui files aapke is folder me wapas aa gayi hai.
Log aksar files ko zip karke apne computer par space bachane ke liye karte hai, aur kahi baar apni files ko protect karne ke liye bhi karte hai.
Agar aapko Zip files ko lekar koi bhi doubt hai to neeche comment karke jaroor pooche.
Ye Bhi Padhe :-
Comments
Post a Comment